ភ្នំពេញ៖ នាយករដ្ឋមន្ត្រីកម្ពុជានិងជាប្រធានអាស៊ានឆ្នាំ២០២២ សម្ដេចតេជោ ហ៊ុន សែន បានទទួលរៀបចំជប់លៀងអាហារពេលល្ងាច (Gala Dinner) ជូនដល់ថ្នាក់ដឹកនាំកំពូលៗ ដែលយាងនិងអញ្ជើញចូលរួមក្នុងកិច្ចប្រជុំកំពូលអាស៊ាន។ 

ពិធីជប់លៀងនេះបានរៀបចំនូវសាល OCIC ក្នុងខណ្ឌជ្រោយចង្វាររាជធានីភ្នំពេញ នៅយប់ថ្ងៃទី១២ ខែវិច្ឆិកា ឆ្នាំ២០២២នេះ។ 

គួរដឹងផងដែរថាកម្ពុជាបានរៀបចំកិច្ចប្រជុំកំពូលអាស៊ានលើកទី៤០ និង៤១ កិច្ចប្រជុំពាក់ព័ន្ធពីថ្ងៃទី៨ ដល់ថ្ងៃទី១៣ ខែវិច្ឆិកា។ មេដឹកនាំអាស៊ាននិងដៃគូពាក់ព័ន្ធជាច្រើនប្រទេសនិងអង្គការអន្តរជាតិក៏បានមកចូលរួមនៅក្នុងកិច្ចប្រជុំនេះ ក្នុងនោះក៏មានប្រធានាធិបតីអាមេរិកលោក ចូ បៃឌិន នាយករដ្ឋមន្ត្រីចិនលោក លី ឃឺឈាង រដ្ឋមន្ត្រីការបរទេសរុស្ស៊ីលោក Sergei Lavrov អគ្គលេខាធិការអាស៊ានលោក António Guterres បានមកចូលរួមផងដែរ៕